საოლქო კომისიებთან დაკავებული 7 პირი ხელწერილის საფუძველზე გაათავისუფლეს

საქართველო, თბილისი - 19:51 | 05.11.2020

ნანახია: 619

საოლქო კომისიებთან დაკავებული 7 პირი საქალაქო სასამართლოს დარბაზიდან გამოუშვეს. მოსამართლის გადაწყვეტილებით, ოპოზიციური პარტიების აქტივისტები ხელწერილის საფუძველზე გაათავისუფლეს.

პროცესი ხვალ 13:00 საათზე განახლდება.

4 ნოემბერს ისნის საოლქო-საარჩევნო კომისიის შენობასთან ხმაური იყო. დაპირისპირება მას შემდეგ დაიწყო, რაც ოპოზიციის წარმომადგენლებმა, რომლებიც კომისიის შემაჯამებელ სხდომას ესწრებოდნენ, შენობა პროტესტის ნიშნად დატოვეს და განაცხადეს, რომ კომისიამ ოპოზიციის არც ერთი საჩივარი განიხილა.