საქართველოს სოლიდარობის ფონდი საჯარო უწყებებში 2015 წლის შემაჯამებელი ანგარიშის წარდგენას აგრძელებს

საქართველო, თბილისი - 12:09 | 10.03.2016

ნანახია: 1770

გარემოსა და ბუნებრივი რესურსების დაცვის სამინისტროში საქართველოს სოლიდარობის ფონდმა, ფონდის საქმიანობის შემაჯამებელი ანგარიშის პრეზენტაცია გამართა. შეხვედრას მინისტრის მოადგილეებთან ერთად, სამინისტროს დაქვემდებარებული უწყებები ხელმძღვანელები ესწრებოდნენ.

სოლიდარობის ფონდის აღმასრულებელმა დირექტორმა, მარიამ ჯაშმა, სამინისტროს თითოეულ თანამშრომელს განსაკუთრებული მადლობა გადაუხადა თანადგომისთვის. მისივე განცხადებით, მნიშვნელოვანია როგორც საჯარო, ასევე კერძო სექტორის მხრიდან კიდევ უფრო მეტი გააქტიურება თანხების მობილიზების მიზნით, რაც ფონდს საშუალებას მისცემს განარგძოს 22 წლამდე ასაკის სიმსივნით დაავადებული ბავშვებისა და ახალგაზრდების დახმარება და ასევე მოხდეს პროგრამების სამომავლო გაფართოება.

გარემოსა და ბუნებრივი რესურსების დაცვის სამინისტროს 825 თანამშრომელი ყოველთვიურად საქართველოს სოლიდარობის ფონდში თანხის დონაციას ახორციელებს.