"აქ არ გააჩერო! ტროტუარი ქვეითისაა!"- აქცია 26 მარტს

26 მარტს, 12:00 საათზე, ჭავჭავაძის გამზირზე (ი. ჯავახიშვილის სახელობის თბილისის სახელმწიფო უნივესიტეტის მიმდებარე ტერიტორიაზე) ორგანიზაცია “საქართველოს ალიანსი უსაფრთხო გზებისთვის”, ფონდი “პარტნიორობა საგზაო უსაფრთხოებისთჳის”, “საქართველოს საავტომობილო ფედერაცია”, “საქართველოს წითელი ჯვრის საზოგადოება”, “საქართველოს სპორტის საავტომობილო ფედერაცია”,"საერთაშორისო გამჭვირვალობა საქართველო”, იარე ფეხით”, “ტრანსპორტისა და გზების ასოციაცია”, “თბილისის ტრამვაი”, კომპანია “კია მოტორს ჯორჯია”, ჟურნალი “ავტობილდი” და მოხალისეები  აქციას გამართავენ. აქციაში ასევე მონაწილეობას მიიღებს ფოტოგრაფი და ქვეითების უფლებების დამცველი გოგა ჩანადირი.

"აქციის მიზანია კიდევ ერთხელ შევახსენოთ მძღოლებს, რომ ტროტუარი ქვეითისაა და მოვუწოდოთ მათ არ დაიკავონ ქვეითის კუთვნილი ტერიტორია. ასევე მოვუწოდოთ საპატრულო პოლიციას აღასრულოს კანონმდებლობა და მოახდინოს ტროტუარზე მდგომი ავტომობილებისგან ქვეითების სივრცის გათავისუფლება და საჭიროების შემთხვევაში მათი დაჯარიმება", - განაცხადეს აქციის ორგანიზატორებმა.

აქციის მონაწილეები ტროტუარზე დაყენებულ ავტომობილის მძღოლებს სტიკერებს დაუტოვენებ წარწერებით “აქ არ გააჩერო! ტროტუარი ქვეითისაა!!”

ქვეითების უსაფრთხოების პროექტი ხორციელდება აშშ საელჩოს მხარდაჭერით.