„მაესტროს“ ახალი დირექტორი ზურაბ ნაყეური იქნება

მაკა ასათიანის ადვოკატის  გიორგი გვენეტაძის ინფორმაციით, ტელეკომპანიის პარტნიორთა კრებაზე გადაწყდა, რომ „მაესტროს“ ახალი დირექტორი ზურაბ ნაყეური იქნება.

,,ხმათა უმრავლესობით გადაწყდა, რომ მაესტროს დირექტორი იქნება ზურაბ ნაყეური. ვინაიდან დავის წარმოშობის საფუძველი არ იყო, ის დაინიშნა დირექტორად. ნაყეური დღესვე დარეგისტრირდება დირექტორად და შეუდგება საქმიანობას", - განაცხადა გიორგი გვენეტაძემ პარტნიორთა კრების შემდეგ.

ამასთან, ახალ დირექტორს მხარს არ უჭერს "მაესტროს" ერთ-ერთი დამფუძნებელი მამუკა ღლონტი. ამის შესახებ ჟურნალისტებს მისმა ადვოკატმა, პაატა კიკვიძემ განუცხადა.

"მამუკა ღლონტი მხარს არ უჭერს ახალ დირექტორს. გეგმების წარმოდგენა ასე არ ხდება, როგორც ბატონმა ზურაბმა წარმოადგინა. ჩვენ თუ მომავალში შევიცვლით დირექტორის მიმართ დამოკიდებულებას, ამას აუცილბელად გეტყვით. ჩვენ არ ვუჭერთ მხარს ახალ დირექტორს",- აღნიშნა ადვოკატმა.